TOTABUANEWS, MONGONDOW – Taong tana’a pamarentah in pomukaan moposindog tolu sikolah SMA noki aidnya ko dinas pendidikan, tampat poposindoganya tua ko lipu’ mooat ko lipu lanut bo tobatuko motongkad.
Pinoguman kapala dinas pendidikan ki yusri damopolii,noguman aka taong tana’a tolu sikolah SMA adamangoi pomia’an kon lipu mooat, lipu lanut, bo ko lipu motongkad, sin ba mo ki adi inaton komintan mongopandoi botatua guyanga bita ten moposikolah adi’ monia jia’pa totok mo ajar mogongkos pomoin singga kon seba oto, kai kadis pendidikan.
Deeman tonga tua, tatua anggaran posindogan sikolah SMA tua dia notongkai, bo jia’ pa doman kota’awan koanto’ anggaran pake’on tongonu, kiogot pa hitungon anggaranya, “kon saat tana’aya jia’ pa kota’awan, sin bagu kiogot rencanaon,” dugangnya.
Jadi tana’a mangoy ki adi minta in utat motolu adi’ na’a kon pomukaan, yo dika momanyasal moposikola kon adi’ sin dia bidon ubolianan aka mosikola, sedang ibanya ben ogeyan in bantuan, sin komuka na’a nobarong in motaaw meya pogaidan, ba ki adi’naton komintan dia’ tonga mopotara-tarap. (*)
Tim Totabuanews
